close

Sərxoş otaqdan eşidilənlər

Photo31_36 copy

Əslində, çalışıram mənə aid olmayan söhbətlərə qulaq asmayım. Gecənin yarısında, hamının əyləndiyi, mənim kimi bir-neçə nəfərin isə yatmağa çalışdığı vaxt qonşu otaqdan gələn və məni oyadan sərxoş səsləri isə, eşitməyə bilmədim. Bir az bəzəyib yazdım, əlbəttə. Söyüşləri tərcümə etmədim.

Mən səni sevmirəm,
İncimə bircə.
Qal, getmə.
İncimə, yanımda otur.

Gözlə, başa salım,
Hər şey asandı.
Yaxşı, istəyirsən əlindən tutum.

Sənin sevdiyin kəs
heç mən deyiləm.
O gün dedim axı,
Qulaq asmadın.

Sənin sevdiyin kəs
parçalanıbdı.
Bir parası kənddə,
birisi evdə,
birisi qalacaq elə bu bənddə,
biri 2014-də, soyuq Kiyevdə.
Birisi dolaşıb saçına məncə,
biri itkin düşüb, tapa bilmirik.
Biri mən.
Bilirəm, yaman gülüncəm.
Biri sənsən,

Dayan,
Vaxt uzatmıram.
Otur, başa salım,
minable özünsən!

Bir param səndədir, özün almısan.
Mən heç istəmirdim, özün götürdün.
Səndə də deyil səhv, nə səs salmısan?
Hə, qorxağam, düzdü, indicə bildin?

Yaxşı, qısa kəsək,
Bir az sus, putain!
Mənim bir hissəmi almağın azdır,
hələ bir də məni xain edirsən?

***

(sakit səslə)

Yox, mən özümdən heç də razı deyiləm.
Bilirsən, yəqin utancağam, ona görədir.

(heçnə eşidilmir)

Hə, tez-tez deyirlər,
Əslində isə
İnsanlar mənə çox fəsad törədir.

***

(uzun müddət heçnə başa düşülmür)

Bir dəqiqə eşit,
sonra özün bax.
Sonrakı sözlərin
son qərarındı.

Sevdiyin insan
qırılıb min yerə,
o, yoxdur çoxdan.
Qarşında gördüyün
qalıqlarımdı.

(söhbət sonra uzun sürmədi, xüsusi maraq kəsb etmirdi deyə, yadımda qalmadı)

read more

Qaçan qız

F2070004
Niyə gülmürsən, görəsən, Gülüşünlə aləmimə işıq saçan qız. Dura bilmirsən, deyəsən, Ürəyimin parasını qapıb qaçan qız. Baxışın qəsd edir cana, Qəlb buna çətin dayana. Tutmusan
read more

Yaz gəlib

427876_10150671877597548_424216606_n-2
Yaz gəlib. Gətirib təzə ətirlər, Təbiət eşidib, yenə dirçəlib. Fikirləri dustaq edən sətirlər İşini qurtarıb, bir az dincəlib. Bilməzdim ki yazı sevə bilərəm, Mən axı,
read more

Bayramlar

F2680015
Bayramları sevmirəm. Bayramlarda dözülməz tənhalıq, əsassız qüssə və izaholunmaz çarəsizlik hiss edirəm. Bayramlarda olub-keçmiş, bir daha dönməyəcək anlar, ola biləcək ancaq heçvaxt reallaşmayacaq səhnələr gəlir
read more

[ССД] 10 – Незваный Гость

Дождь стучал по палатке. Словно барабанной дробью, природа предвещала нашу встречу. Я вышел в дождливую ночь и, осторожно передвигаясь сквозь близко растущие деревья, углубился в
read more

Qar, Bakının başına gələ biləcək ən gözəl şeydir

baku-in-2008-snow-304

Qar, Bakının başına gələ biləcək ən gözəl şeydir.

Əsəbi insanın başına sığal çəkən narın, qayğıkeş sərin ağ əllər kimi, göydən səpələnən qar, Bakının əsəbini soyudur. Daha təmkinli, daha diqqətli edir. Şəhər sanki qar olduğu müddətə sakitləşir. Keşməkeşli, get-gəlli, tələskən günlərindən dincəlir.

Qar şəhərə təbii gözəlliyini verməklə yanaşı, ayıblarını da örtür; çatlarını və əyriliklərini hamar örtük altında gizlədir.

İnsanlar da, maşınlar da daha yavaş, ətrafa və bir-birinə daha diqqətlə gəzirlər. Enişə gedən maşınlar yoxuşa qalxanlara yol verir ki, onlar yenidən sürət yığmalı olmasınlar.

Qarlı havada təcrübəli sürücülər yollar üzərində çoxdan gözlədikləri sahibliklərini təsdiq edib, razılıqlarını bildirir, keçmiş illərdə, başqa ölkələrdə qarlı, buzlu yollarda maşın sürməkləri haqda, veteranın hərb hekayələri danışdığı qürurla çatdırırlar sərnişinlərinə.

Qarın gəlişinin uşaqlara verdiyi gülüş və əyləncə, böyüklərin də üzündə öz əksini tapır. İnsanlar bir-birinə gülümsəyərək, sanki “işə bax, qar yağıb!”, – deyə, heyrətlənirlər. Küçədə və yolda nadir piyada və sürücülər arasında hətta müəyyən qədər yaxınlıq hissi yaranır. Onlar, soyuğun və qarın yaratdığı narahatlığına rəğmən, fərqli səbəblərdən evlərinin istiliyini tərk ediblər. Kimi iş dalınca, kimi görüşə, kimsə qartopu oynamağa, kim isə müvəqqəti gözəllikdən həzz almaq üçün özünü bəyaz libaslı şəhərin qoynuna atır.

Elə olur ki, kiçik kafelərin birində sığınıb, isti fincanı əldə bərk sıxıb, küçədə gəzənlərə təəssübkeşlik edirsən. Havanın və soyuğun təsirindən, reallıqdan bir az uzaqlaşdığına görə, şüuruna da tam sahib ola bilmirsən. Gözün yol çəkir. Uzaq, yumşaq və istəkli yaz günlərinin yolunu çəkir, yəqin. Küçədə tələsən, əlləri ciblərində, çiyinləri yuxarı, boyunları içəri çəkilmiş və küləyə tab gətirməyə çalışanların arasında, bir nəfər diqqətini çəkər həmişə.

Əli əlcəksiz, yanaqları qırmızı, gözlərində alov, üzündə isə gülüş. Hərdən soyuqdan göyərmiş əllərində fotoapparat olur, hərdən qulaqlarında qulaqlıq. Bəzən, papağı əyri olur başında, yaxası açıq, şərfinin bir ucu küləklə rəqs edir. Bir az dəli olur həmişə o adam – sosial normaların qəbul etdiyi çərçivədə, yəni, narahat olmayın – etiraf edək ki, dəliliyi olmayan adam o havada şəhərin küçələrinə düşüb özü də bilmədiyi nəyisə axtarmaz. Hər halda, bu dünyadan qopmuş olur həmin şəxs. Yəni, çıxıb çağırsan, birinci dəfədən eşitməz; küçədə qarşılaşsan, tanımaz; qoluna toxunsan da, yuxudan ayılmış kimi, çox təəccüblü, bir az da narazı baxışla qarşılayar səni. Həmən adam adi günlərdə özünü sizin, mənim kimi aparır. Dəliliyini ancaq qar, yağış yağanda, çox isti olanda, xülasə, sizin və mənim evdən küçəyə çıxmaq istəyimiz az olanda üzə çıxarar. Təcrübəli sürücülər kimi, dəlilər də insanların az olduğu günlər şəhərə sahibliklərini təsdiq edirlər. Bu sahibliyi, yəqin ki, ancaq uşaqlarla bölüşməyə hazırdırlar.

Ehtimal var ki, şəhərdə piyada və maşının azalmasındandır ki, Bakı da daha rahat nəfəs almağa başlayır. Həm də, ancaq qarın yarada bildiyi sakitliklə səs-küydən ağrıyan başını dincəldir.

Qarlı Bakının sevmək çox asandır. Səhər oyanıb qarı görməklə, bir anda aşiq olur insan. Qarlı Bakıda yaşamaq, qarlı Bakını yaşamaq daha çətin olsa da, çox mükafatlandırıcıdır. Bütün narahatlığa dəyər. Qarları əriyən Bakını sevmək, necə? Mümkündürmü?

Son illər ərzində Bakını sevmək üçün, görünənlərlə yanaşı, görünməyən gözəllikləri də nəzərdə saxlamaq lazım olur.

read more

Yar

Bəlkə də Hardasa varsan Uzaq məmləkətdə, qərib ölkədə Doğma diyarsan. Bilirəm, Əsrlərlə şairlərin Sevdiyi yarsan. Silirəm xainlərin sinəmdə cızdığı, Alnıma yazdığı Saxta qisməti. Dini, adəti
read more

Bələdçi ulduzlar

no thumb
Hördün ki gecəni qara saçına, Telinə ulduzlar dolaşıb, gülüm. Yolçuya yolunu göstərmək üçün, Telinə ulduzlar yaraşıb, gülüm. Bilmədim, qarşımda sənmiydin o gün, Dilim topuq vurdu,
read more

[ССД] 13 – Поэты и любовь

no thumb
В темноте, за длинным столом, сидели спиной к стене более дюжины людей. Глаза у них были опухшие от слёз, стан осунувшийся, взгляд грустный и отсутствующий.
read more

Mühasirə

no thumb
Qəfil gəldin ağlıma. Salamsız, zəngsiz. Oturmuşduq dörd divar arasında. Ağ-qara, qəmgin, rəngsiz. Yalvarırdım: “Ağlama”. Əlindəki kəsiyin Sonsuz düzlərində rahat Uzanmış çəmənin tən ortasında Gül bitmişdi.
read more
1 2 3 11
Page 1 of 11